نیوزی لینڈ میں پایا جانے والا دو فٹ لمبا پرندہ ’’کی آ‘‘ کاروں کی کھڑکیوں کے گرد لگے ہوئے ربڑ کو بڑی رغبت سے کھاتا ہے

 نیوزی لینڈ میں پایا جانے والا دو فٹ لمبا پرندہ ’’کی آ‘‘ کاروں کی کھڑکیوں کے گرد لگے ہوئے ربڑ کو بڑی رغبت سے کھاتا ہے

٭… نیوزی لینڈ میں پایا جانے والا دو فٹ لمبا پرندہ ’’کی آ‘‘ کاروں کی کھڑکیوں کے گرد لگے ہوئے ربڑ کو بڑی رغبت سے کھاتا ہے۔ ٭… سانپ صرف دوسرے جانور یا ان سے حاصل ہونے والی چیزوں مثلاً انڈہ، کو کھاتے ہیں۔ وہ پودے سے حاصل ہونے والی کوئی چیز نہیں کھاتے۔ ٭… سِیل سمندر کنارے رہنے والا جانور ہے۔ اس کی ایک قسم ’’ویڈل سِیل‘‘ پانی کے اندر سات کلومیٹر تک، پانی کی سطح پر آ کر سانس لیے بغیر، غوطہ لگا سکتی ہے۔ ٭… مگرمچھ اور ایلی گیٹر زمین پر بہت تیز بھاگ سکتے ہیں لیکن وہ مختلف زاویوں پر تیزی سے نہیں بھاگ سکتے۔ اس لیے اگر یہ پیچھا کریں تو ٹیڑھے میڑھے انداز میں بھاگیں۔ ٭… مگرمچھ اپنی زبان باہر نہیں نکال سکتے۔ ٭… پینگوئن چھ فٹ اونچی چھلانگ لگا سکتے ہیں۔ ٭… عقاب جواں سال ہرن کو مار اور پکڑ کر اڑ سکتا ہے۔ ٭… سلگ (ایک قسم کا گھونگا) کے چار ناک ہوتے ہیں۔ ٭… تسمانیہ میں صر ف تین اقسام کے سانپ پائے جاتے ہیں اور تینوں کا زہر مہلک ہے۔ ٭ جیلی فش میں 95 فیصد پانی ہوتا ہے۔ ٭ زیادہ تر ہاتھیوں کا وزن نیلی وہیل کی زبان سے کم ہوتا ہے۔